HISTORIA
Kantina Perla i ka rrënjët e saj më shumë se një shekull më parë. Historia nis me stërgjyshin Xhelo Beqiraj, i cili investoi në frutikulturë, vreshta dhe ullinj në zonën e Cerkovinës. Tradita u pasurua më tej nga i biri, Selam Xhelo Beqiraj, i cili zgjeroi sipërfaqet bujqësore dhe investoi në një fabrikë vaji për kohën, e ndërtuar me sistem tradicional me shporta dhe gurë, e vënë në lëvizje me mushkë. Kjo fabrikë ekziston ende sot si trup ndërtimor, dëshmi e gjallë e asaj periudhe. Një tjetër gjurmë e kësaj historie është edhe emërtimi që ka mbetur në zonë: “Vreshti i Xha Selamit”, në Cerkovinë. Me ardhjen e regjimit komunist, kjo traditë u ndërpre, ashtu si për shumë familje shqiptare. Pas viteve ’90, me rikthimin e demokracisë, Selam Beqiraj ishte ndër të parët që ringriti traditën familjare duke mbjellë sërish vreshta. Me kalimin e viteve, së bashku me të birin Perlat Beqiraj, u shtuan sipërfaqet e vreshtave dhe ullinjve dhe nisi prodhimi artizanal i verës. Në vitet 1995–1996 filloi edhe tregtimi i saj në zonë. Pas vitit 2000, Perlati investoi në bote inoksi dhe pajisje moderne, duke rritur ndjeshëm cilësinë e verës dhe duke e kthyer aktivitetin në një biznes të vogël familjar. Në vitin 2010, kantina u zgjerua si objekt, ndërsa në vitin 2016, pas ndarjes nga jeta të Perlat Beqirajt, u realizua një ristrukturim i plotë dhe kantina u emërtua “Perla”, në nder të tij. Në vitin 2019, Kantina Perla vijoi zgjerimin si në infrastrukturë ashtu edhe në pajisje bashkëkohore dhe vreshtari. Sot, Kantina Perla administron 8–10 hektarë vreshta, ku kultivohen varietete autoktone dhe ndërkombëtare si: Shesh i Zi, Shesh i Bardhë, Sangiovese, Merlot, Cabernet Sauvignon,Trebbiano Toscano. Kantina ka një kapacitet prodhimi prej 100,000 shishesh në vit dhe ofron disa etiketa vere, ndër të cilat: Raus, Persli Rosé dhe Raus Reserva. Ndër risitë teknologjike përfshihen sistemi i presimit me azot dhe vetë-larje, pompa të specializuara, filtra dhe mikrofiltra, si edhe linja e etiketimit. E gjithë kantina është e investuar me bote inoksi dhe bote druri lisi francez, duke kombinuar teknologjinë moderne me traditën. Procesi i prodhimit të verës realizohet duke ndërthurur metodat tradicionale dhe bashkëkohore. Një bekim i veçantë për Kantina Perla është pozicioni gjeografik i vreshtave, të shtrira në Kodrat e Cerkovinës, me diell gjatë gjithë vitit dhe pamje nga deti. Ky mikroklimë unike na lejon të prodhojmë një verë cilësore dhe me karakter të veçantë, e përmbledhur në filozofinë tonë: “Cerkovina – vendi ku vreshtat shikojnë detin.”
HISTORY
Perla Winery has its roots dating back more than a century. The story begins with the family’s great-grandfather, Xhelo Beqiraj, who invested in fruit cultivation, vineyards, and olive groves in the Cerkovina area. The tradition was further developed by his son, Selam Xhelo Beqiraj, who expanded the agricultural land and invested in an olive oil mill of that time, built using a traditional system with baskets and stone presses, powered by mules. This mill still exists today as a physical structure, serving as living evidence of that era.Another trace of this history remains in the local name still used in the area: “Xha Selam’s Vineyard”, in Cerkovina. With the arrival of the communist regime, this tradition was interrupted, as happened to many Albanian families. After the 1990s, with the return of democracy, Selam Beqiraj was among the first to revive the family tradition by replanting vineyards. Over the years, together with his son Perlat Beqiraj, the vineyard and olive grove areas were expanded, and artisanal wine production began. In 1995–1996, the wine also started to be marketed locally. After the year 2000, Perlat invested in stainless steel tanks and modern equipment, significantly improving wine quality and transforming the activity into a small family business. In 2010, the winery expanded its facilities, and in 2016, following the passing of Perlat Beqiraj, a complete restructuring was carried out and the winery was named “Perla” in his honor.In 2019, Perla Winery continued its expansion in infrastructure, modern equipment, and vineyard development.Today, Perla Winery manages 8–10 hectares of vineyards, cultivating both indigenous and international grape varieties such as Shesh i Zi, Shesh i Bardhë, Sangiovese, Merlot, Cabernet Sauvignon, and Trebbiano Toscano.The winery has an annual production capacity of 100,000 bottles and offers several wine labels, including Raus, Persli Rosé, and Raus Reserva.Technological innovations include a nitrogen-assisted pressing and self-cleaning system, specialized pumps, filters and microfilters, as well as a labeling line. The entire winery is equipped with stainless steel tanks and French oak barrels, combining modern technology with tradition.The winemaking process blends traditional and contemporary methods.A special blessing for Perla Winery is the geographical position of its vineyards, stretching across the hills of Cerkovina, with year-round sunlight and views of the sea. This unique microclimate allows us to produce wines of high quality and distinctive character, summarized in our philosophy: Cerkovina – where vineyards overlook the sea.
